Anna Þórný Sigfúsdóttir

Við Kristín Huld ætlum að láta inn nokkrar myndir frá opnun málverkasýningar í versluninni á Flúðum. Börnin í leikskólanum setja upp þessa sýningu í tilefni dags leikskólanna á Íslandi. Þau komu ölí morgunl og opnuðu sýninguna. Sungu nokkur lög o buðu uppá djús og saltstangir. Skoðið endilega glæsilegt málverk Kristínar Huldar. Verið velkomin og kíkið á myndirnar.

Nóg var að gera um helgina, það er óhætt að segja það. Á laugardaginn buðum við íbúum Brautarholtar í partý, fiski/x-factor partý. Breski x-factorinn var í sjónvarpinu en gestirnir vildu miklu frekar spjalla og borða fiskréttina en að glápa á x-factor. Þetta var mjög skemmtilegt kvöld þar sem við drukkum, spjölluðum og hlustuðum á tónlistina sem við hlustuðum á þegar við vorum unglingar. Það er nú ekkert svo mörg ár síðan   Rosalega gaman. Börnin léku sér aftur á móti í bílskúrnum og tóku fram ýmislegt dót sem hægt er að hafa gaman af, þau hafa örugglega ekki fílað þessa tónlist. Í stað þess að fara á sveitaball í Aratungu var ákveðið að spila nokkra samkvæmisleiki og var mikið hlegið af þeim sem klikkuðu.

Á sunnudeginum fórum við Kristín Huld svo í Þjóðleikhúsið með Kristínu systir, Þóru Björg og Þórbergi Agli og sáum þar brúðuleikinn um hann Einar Áskel. Þar fór Þórbergur alveg á kostum með fagnaðarlátum og klappi. Hann var alveg yndislegur, 2ja ára pjakkurinn    Fórum svo á gamla, góða Hressingaskálann og fengum okkur smá í gogginn. Brunuðum svo á Rauðalæk og fögnuðum 5 ára afmæli Þóru Bjargar.

Sem sagt: Fín helgi en var kannski heldur fljót að líða

Þá erum við komin heim aftur eftir ballið með Sálinni í Þorlákshöfn. Lilja Rós, mágkona, kom með okkur Stefáni og skemmtum við okkur alveg konunglega. Hittum fullt af fólki, spjölluðum og dönsuðum. Við gistum í nýja glæsilega gistiheimilinu þeirra Gunnar og Stebba. Það er staðsett á gamla bókasafninu á Unugötunni, beint fyrir aftan Skálann. Við komum þangað um kl. 05 í nótt, settumst í setustofuna og fengum okkur örbylgjupopp og kók, óblandað . Lilja Rós tók einhverjar myndir af okkur sem ég kem til með að stela frá henni þegar hún er komin með þær á svæðið sitt. Í hádeginu í dag fengum við okkur svo að borða á Svarta sauðinum, veitingahús í sama húsi sem hún Kata Stefáns (hans Hauks, áðurfyrr), rekur með núverandi eiginmanni sínum. Veitingastaðurinn er einmitt þar sem Másbakaríið var hér forðum. Skemmtilegt. Þar fengum við rosalega flotta og góða supremepizzu og æðislegt blandað salat og nutum þess að drekka kók með, einhverra hluta vegna.

Þetta var æðislega gaman, frá a - ö. Við hefðum nú aldrei farið þetta nema af því hún Lilja Rós okkar var stödd á landinu. Hún býr annars í Danmörku.   

Heimsmeistararnir, Þjóðverjar, réðu ekkert við íslensku strákana í handboltanum á Ólympíuleikunum í Peking. Það var svo mikill kraftur í strákunum okkar að hinir náðu engan veginn að stoppa þá af. Sigurinn var nánast aldrei í hættu. Gaman að sjá svona skemmtilegan leik. Til hamingju, strákar.

Allt heimilislífið fer eiginlega í stopp í klukkutíma, á meðan svona leikur stendur yfir. Það var verið að elda nautakjötssúpu rétt fyrir leik og svo verður bara allt uppvask að bíða þangað til leikurinn er búinn. Heppilegt að hægt sé að borða yfir leiknum.

Nú þurfum við Kristín Huld að fara að vaska upp, hengja upp þvott og aðeins að ganga  frá inni í húsinu. Á meðan ætlum við að hlusta á diskinn 100 íslensk barnalög sem er mjög góður.

Í kvöld eru akkúrat 24 ár síðan við Stefán byrjuðum saman, eða kysstumst allavega í fyrsta sinn. Við hittumst á sveitaballi með Stuðmönnum á Borg í Grímsnesi þann 12. ágúst 1984. Rákumst á hvort annað þegar verið var að spila lokalag ballsins, vangalag auðvitað. Svo hittumst við ekkert aftur fyrr en viku seinna, fyrir utan gamla Selfossbíó. Þá voru sko engir gemsar eða msn og ég vissi ekki einu sinni símanúmerið heima hjá honum. Eins sinni reyndi ég að hringja, fann a.m.k. 3 Þorleifa í símaskránni og náði alltaf að hringja í vitlaust númer. Svo svaraði ekki í síðasta númerinu. Stefán sagði mér svo að hann hafi svarað um leið og skellt var á. Hann var auðvitað sofandi en ég í partýi á Stokkseyri eða nýkomin heim til vinkonu minnar eftir að hafa verið í partýi á Stokkseyri. Man ekki alveg, enda orðið langt síðan. Kannski við skötuhjúin reynum að hafa það smá huggulegt í kvöld. Annars er svo brjálað að gera hjá honum að hann kemur bara rétt heim til að vinna í tölvunni og svo til að sofa. Er að undirbúa næstu önn í Tónsmiðju Suðurlands (tonsmidjan.net). Verið að gera heimasíðuna tilbúna og útbúa auglýsingu í lokalblöðin og að skipuleggja námskeiðin sem verða í boði.

Jæja, best að fara að vaska upp.

Já, Dóra Stína, nú skal ég stundum setjast niður og skrifa fréttir að heiman. Ég var að vinna sem sundlaugarvörður í Skeiðalaug  í dag og fórum við Guðrún Lilja svo ofaní eftir lokun. Hún er búin að vera rosa dugleg í lauginni í sumar og núna var ég að kenna henni að stinga sér í laugina. Æfingin skapar meistarann. Kristín Huld var sótt af henni ömmu sinni og ætlar að vera hjá henni í nótt því við erum að fara á tónleika á morgun, föstudag, með Eric Clapton í Egilshöllinni. Vonandi fáum við hana með okkur heim eftir tónleikana. Guðrún Lilja, pæjan okkar, ætlar frekar í partý hér í sveitinni þannig að hún kemur ekki með okkur. Tveir strákar að halda afmælispartý þar sem þeir verða með tilbúin tjöld og allt fyrir þá sem vilja gista. Guðrún vill nú reyndar koma heim um kvöldið.

Eyþór og Stefán eru búnir að vera á Selfossi í allan dag, Eyþór fór á körfuboltaæfingu hjá FSu og Stefán að vinna í Tónsmiðjunni með Róberti Dan. Við vorum reyndar að kaupa okkur nýjan bíl í dag, Nissan Note, beint uppúr kassanum. Við erum svo rík, við getum allt.

Dóra Stína, þetta voru helstu fréttir héðan núna, sendi nýtt inn fljótlega.

Lilja Rós, við hlökkum til að sjá þig í næstu viku (eða þarnæstu).