Örþreyttar stelpur

Þá erum við Kristín Huld komnar inn eftir heilmikla útiveru. Gengum fyrst út í Blómaval og komum svo heim og settum trampólínið saman, öryggisnetið og hvað eina. Smá beyglað eftir kollhnísinn í haust/vetur en sleppur alveg. Hann Bassi á Sunnuveginum þurfti reyndar að rétta fyrir mig tvær stangir. Það var nú bara gaman að kíkja aðeins á hann, gamla nágrannann. Nú erum við mæðgurnar semsagt komnar inn þreyttar og með eplakinnar, eins og hún segir sjálf. Og aðeins 3 dagar þangað til við fáum stóðið okkar aftur heim, það verður nú gott. Við verðum þá að finna okkur eitthvað að gera á morgun og hinn, það á nú alveg að vera hægt að finna eitthvað út úr því, við höfum bæði garðinn og heilan bílskúr fullan af "drasli". Hlakka til að fá ykkur heim, krúsurnar mínar. 

Athugasemdir

[Stefán (IP-tala skráð) 3.4.2007 kl. 07:27]

Sko mína, farin að blogga.  Ég hefði aldrei trúað þessu :)

Hlakka til að koma heim...kv. Stefán