Hrunalaug

Við fjölskyldan skruppum í bíltúr í gær í yndislegu vetrarveðri. Ferðin endaði við Hrunalaug til að athuga hvort hún væri nothæf, hún var það nefnilega ekki síðast þegar við litum þangað. Hún kom okkur mjög á óvart því hún svínvirkaði. Rann þetta líka heita vatn í hana. Æði. Um kvöldið drifum við Stefán okkur svo í laugina. Höfum ekki gert það í mörg ár, það er bara eins og við séum búin að eignast nýjan heitan pott. Rosalega var notalegt þar, vorum þar örugglega í 2 tíma að skoða tunglið, stjörnurnar og spjalla saman um allt milli himins og jarðar. Sjá myndir á annath.blog.is.

Málverkasýning á Flúðum

Við Kristín Huld ætlum að láta inn nokkrar myndir frá opnun málverkasýningar í versluninni á Flúðum. Börnin í leikskólanum setja upp þessa sýningu í tilefni dags leikskólanna á Íslandi. Þau komu ölí morgunl og opnuðu sýninguna. Sungu nokkur lög o buðu uppá djús og saltstangir. Skoðið endilega glæsilegt málverk Kristínar Huldar. Verið velkomin og kíkið á myndirnar.